ટમેટો સૂપ

સામગ્રી :-

૫૦૦ ગ્રામ ટમેટા
૧ ડૂંગળી
૧ લીલું મરચું
૧ નાનુ બટાકુ (જો થોડો કણીદાર કરવો હોય તો)
૧ ચમચી આદુ મરચાની પેસ્ટ
૧ ચમચો માખણ
મીઠૂં અને ખાંડ સ્વાદ પ્રમાણે

રીત :-

સૌથી પહેલા તો ટમેટાને ધોઈને બે કે ચાર ટૂકડા કરીને પ્રેશર કૂકરમાં બાફી લો.

 એની સાથે જ ડૂંગળીના પણ ટૂકડા કરી બાફી લો. અને જો સૂપને થોડો કણીદાર કરવો હોય

 તો બાફવામાં સાથે એક નાનું બટાકુ પણ નાખી દો. આ બધું જ બફાઈ જાય પછી

 તેને અલગ રાખી લો હવે એક વાસણમાં માખણ ગરમ કરી તેમાં લીલું મરચું,

 આદુ મરચાની પૅસ્ટ સાંતળો અને બાફેલા ટમેટાને તેમાં નાખી દો થોડીવાર હલાવી ને

 પછી ગેસ પરથી ઉતારી તેમાં હેન્ડ મિક્સી ફેરવીને બરાબર ક્રશ કરી લો.

 ત્યારબાદ આ મિશ્રણને ગાળી લો. તેમાં સ્વાદ પ્રમાણે ખાંડ અને મીઠું ઉમેરો અને ગેસ 

પર મુકીને ઉકાળો (હલાવતા રહો). જરુર પ્રમાણે ઘાટો થવા દો . 

ઉપરથી જરુર પ્રમાણે છીણેલું ચીઝ, ફુદિનો વગેરે નાખીને સર્વ કરો

Read More »

હાકા નૂડલ્સ

સામગ્રી :-

૪૦૦ ગ્રામ નૂડલ્સ (૧ પેકેટ)
૧/૨ કપ  લીલી ડૂંગળી પાન સાથે લાંબી પાતળી સમારીને
૧/૨ કપ કોબી લાંબી પાતળી સમારીને
૧/૨ કપ કૅપ્સિકમ લાંબા પાતળા સમારેલા
૧/૪ કપ ફણસી ત્રાંસી સમારીને
૧/૨ કપ ગાજર લાંબા પાતળા સમારેલા
૩ થી ૪ લીલા મરચા પાતળા સમારીને
૧ ટી સ્પૂન આદુની લાંબી છીણ
૬ થી ૭ કળી લસણ
૧/૨ ટેબલ સ્પૂન સોયા સૉસ
૧ ટી સ્પૂન ચીલી સૉસ
૧/૨ ટી સ્પૂન વિનેગર (સરકો)
૧/૨ ટી સ્પૂન અજીનોમોટો
૨ ટેબલ સ્પૂન તેલ
મીઠું સ્વાદ અનુસાર

રીત :-

 નૂડલ્સને પાણીમાં બાફી લો, બફાઈ જાય એટલે તેમાંથી પાણી કાઢીને તેના પર ફરતું થોડું ઠંડુ પાણી રેડીને  નૂડલ્સને બાજુ પર મૂકી દો. હવે એક ફ્રાઈંગ પૅનને હાઈ ફ્લેમ (ફુલ ગેસ) પર મૂકીને તેમાં તેલ મૂકી તેમાં ડૂંગળી નાખીને હલાવો હવે વારાફરતી તેમાં બારેક સમારેલું લસણ, લીલા મરચાં અને આદુ નાખીને હલાવતા રહો.  ત્યારબાદ તેમાં એક પછી એક કોબી, કૅપ્સિકમ અને અધકચરી બફાયેલી ફણસી તેમજ ગાજર દર પંદર સેકન્ડના અંતરે ઉમેરો અને અધકચરું ચડી જાય ત્યાં સુધી હલાવતા રહો. હવે તેમાં અજીનોમોટો, સોયા સૉસ, ચીલી સૉસ અને વિનેગર નાખીને સારી રીતે મિક્સ કરો.  

શાકભાજી અધકચરા ચડી જાય એટલે તેમાં બાફેલા નૂડલ્સ નાખીને બરાબર મિક્સ કરી લો. છેલ્લે સ્વાદ પ્રમાણે મીઠું ઉમેરો.

ગરમ ગરમ પીરસો…

નોંધ :-

૧.  નૂડલ્સને બાફતી વખતે પાણીમાં થોડું તેલ ઉમેરી દેવાથી નૂડલ્સ એકબીજા સાથે ચોંટી જતી અટકશે.
૨. અજીનોમોટોનો ઉપયોગ કર્યો હોવાથી મીઠું નાખતી વખતે વધારે ખારું ન થઈ જાય તેનું ધ્યાન રાખવું.
૩. એ જ રીતે ચીલી સૉસનો ઉપયોગ કર્યો હોવાથી મરચાં પણ ધ્યાનથી નાખવા.

Read More »

રવા ઢોકળા

સામગ્રી :-
૧ કપ રવો
૧/૨ કપ ખાટું દહીં
૩/૪ (પોણો કપ) કપ પાણી
૧ ટે. સ્પૂન તેલ મોણ માટે
૧/૪ ટી સ્પૂન હળદર
મીઠું સ્વાદ પ્રમાણે
૧ ટી સ્પૂન આદુ મરચાની પેસ્ટ
૩/૪ ટી સ્પૂન ફ્રુટ સૉલ્ટ (ઇનો)

વઘાર માટે :- 
૧ ટેબલ સ્પૂન તેલ
૧/૨ ટી સ્પૂન રાઈ
૧/૨ ટી સ્પૂન તલ
૨ – ૩ લીલા મરચા ઝીણા સમારેલા
૧ ચપટી હીંગ

૫ – ૭ પાન મીઠો લીમડો (ઓપ્શનલ)

રીત :-
રવામાં તેલથી બરાબર મોઈ લો હવે તેમાં દહીં, પાણી, હળદર, મીઠું, આદુ મરચાની પેસ્ટ નાખીને

 ૨૦ મિનિટ ઢાંકી રાખો. ઢોકળિયામાં પાણી મૂકીને ૮ થી ૧૦ ઇંચની થાળીમાં તેલ લગાવી તેમાં ગરમ કરવા મૂકો.

તૈયાર કરેલા મિશ્રણમાં ફ્રુટ સૉલ્ટ ઉમેરી હલાવીને થાળીમાં રેડી લો. ૧૫ થી ૨૦ મિનિટ મિડિયમ ગેસ પર ચડવા દો.

 ચડી જાય એટલે કાપા પાડી લો. હવે  વઘાર માટે એક વાસણમાં તેલ ગરમ કરી તેમાં રાઈ ઉમેરો રાઈ તતડે એટલે

 તલ, મરચા, લીમડો, હિંગ નાખો અને ઢોકળા પર આ તૈયાર થયેલો વઘાર રેડી લો.

ગરમા ગરમ સર્વ કરો.

Read More »

વેજિટેબલ ઉત્તપમ

સામગ્રી  :-

૩      કપ ચોખા
૧      કપ અડદ દાળ
૧      ટી સ્પૂન મેથી દાણા (Optional)મીઠું સ્વાદ અનુસાર

કાકડી, ટમેટા, કેપ્સિકમ, ડુંગળી, લીલા મરચા, કોથમીર આ બધુ જ ઝીણું સમારીને મિક્સ કરી લો.

રીત  :-

ચોખા, દાળ તથા મેથી દાણાને અલગ અલગ પાણીમાં ૭ થી ૮ કલાક પલાળી રાખો. ત્યારબાદ દાળ – ચોખાને અલગ અલગ એક્દમ ઝીણું ક્રશ કરો. મેથી દાણાને પણ ક્રશ કરી એમાં ભેળવી દો. બધું મિક્સ કરી મીઠું નાખી ખીરાને ૭ થી ૮ કલાક આથો લાવવા રાખી મૂકો.

આથો આવી જાય પછી બનાવતી વખતે ખીરામા પાણી ઉમેરી થોડું પાતળું કરો. અને એકાદ ચમચો તેલ ઉમેરો જેનાથી ઉત્તપમ પોચા બનશે.

ત્યારબાદ નૉનસ્ટિક તવી પર ચમચા વડે ખીરુ પાથરી તેને ફેલાવી દો . ઉપરથી ઝીણા સમારેલા કાકડી, ટમેટા, કેપ્સિકમ, ડુંગળી, લીલા મરચા, કોથમીર આ બધુ જ ભભરાવી સહેજ દબાવી દો. અને ફરતે અને ઉપર જરા જરા તેલ છાંટીને ધીમા તાપે ચડવા દો. બંને બાજુ સારી રીતે ચડી જાય એટલે ઉતારીને સાંભાર સાથે પીરસો…

 સ્વાદ માટે ઉપરથી મરીનો પાવડર છાંટી શકાય…

બધા જ વેજિટેબલ્સ ન નાખવા હોય તો માત્ર ડુંગળી નાખીને  Onion Uttapam પણ બનાવી શકાય.

ઉત્તપમ બનાવતી વખતે નૉનસ્ટિક તવીને પહેલા ગરમ થવા દઈને પછી એક કોટનના કપડાને ભીનું કરી તવીને લુછવી. દરેક વખતે આટલું કરવાથી ખીરુ સારી રીતે પથરાશે અને ઉત્તપમ સહેલાઈથી ઉખડી જશે.

Read More »