ડ્રાય ભાખરવડી

 
સામગ્રી
 

પડ માટે
-400 ગ્રામ ચણાનો લોટ
-100 ગ્રામ ઘઉંનો લોટ
-મીઠું સ્વાદ મુજબ
-2 ચમચી મરચું
-1 ચમચી હળદર
-તેલ પ્રમાણ સર
 
ફીલિંગ માટે
-200 ગ્રામ ચણાનો લોટ
-100 ગ્રામ ઝીણી સેવ
-25 ગ્રામ સુકુ ટોપરું
-1 ટેબલસ્પૂન તલ
-1 ટેબલસ્પૂન ખસખસ
-1 ટેબલસ્પૂન ગરમ મસાલો
-1 ટેબલસ્પૂન ખાંડ
-1 ચમચી આમચૂર પાઉડર
-1 ચમચી ઘાણાજીરું
-મીઠું સ્વાદ મુજબ
 
ચટણી માટે
-50 ગ્રામ સીંગદાણા
-10 કળી લસણ
-1 ચમચો લાલ મરચું
-મીઠું સ્વાદ મુજબ
-ગોળ
 

રીત

 
ચટણીની બધી જ સામગ્રી મિક્સ કરીને તેને મિક્સરમાં બ્લેન્ડ કરી ચટણી બનાવી લો, જરૂર પડે તો થોડું પાણી ઉમેરવું. ચણા અને ઘઉંનો લોટ ભેગો કરી લો. તેમાં મીઠું થોડી હળદર અને તેલનું મોણ નાખી કઠણ લોટ બાંધી લો. ચણાના લોટમાં મીઠું મરચું અને તેલનું મોણ નાખી ખીરું તૈયાર કરી પેનમાં તેલ મૂકી ભજિયાં તળી લેવા. ઠંડા પડે એટલે ખાંડી, ચાળી રવાદાર ભૂકો બનાવી લો. તેમાં ચણાની સેવ નાખવી, સુકું કોપરાનું છીણ ઉમેરો. આ ફીલિંગમાં શેકેલા તલ ખસખસ મીઠું ગરમ મસાલો ઉમેરો. ધાણાજીરું, ખાંડ અને આમચૂર પાઉડર પણ ઉમેરો. લોટમાંથી પાતળો મોટો રોટલો વણી લો. રોટલા પર ચટણી લગાવી મસાલો પાથરો. પછી તેનો સખત વીંટો વાળી કટકા કરી લો. આ કટકાને બરાબર દબાવી તેલમાં તળી લો તૈયાર છે ભાખરવડી

Read More »

ભાવનગરી ગાંઠિયા

 
સામગ્રી
-500 ગ્રામ ચણા લોટ
-50 ગ્રામ ચોખા લોટ
-500 ગ્રામ તેલ
-4 ચમચી મરચું
-2 ચમચી અજમો
-સંચળ
-મીઠું સ્વાદાનુસાર
 
રીત
 
ચણાના અને ચોખાના લોટને ભેગા કરી તેમાં મરચું, મીઠું, અજમો, સંચળ નાખી કડક લોટ બાંધો. લોટને તેલ વડે મસળીને નરમ કરો. કડાઈમાં તેલ ગરમ કરી મશીનમાં લુઆ મૂકી તેને દબાવીને ગાંઠિયા સીધા તેલમાં પાડી તળી લો. રતાશ પકડે એટલે કાઢીને તેનો ઉપયોગ કરો. તૈયાર છે તીખા ગાંઠિયા.

Read More »

ચાઈનીઝ સમોસા

સામગી

(૧) ૫૦  ગ્રામ   સ્પેગેટી                                 (૨)  ૪ ટેબલ    સ્પૂન   તેલ

(૩) ૧૦૦ ગ્રામ   કોબીજ                                (૪)  ૫૦ ગ્રામ    કેપ્સીકમ

(૫) ૫૦ ગ્રામ    ફણસી                                 (૬)  50ગગ્રામ   ગાજર

(૭)૧-૨  ક્પ ફ્ણગાવેલા મગ

(૮)૧ ટી  સ્પૂન   ચીલીસોસ

(૯)૧ ટી  સ્પૂન   સોયાસોસ

(૧0) ૧ ટી સ્પૂન  લાલ  મરચું

(૧૧)૧  કપ મેદો                       (૧૨)૧-૨ લીબુ

(૧૩)૧-૪ ટી  સ્પૂન   બેકિગ  પાઉડર

(૧૫) ચપટી  આજીનોમોટો

(૧૬)મીઠું  પ્રમાણસર

                                 રીત

(૧) એક વાસણમા અડધુ પાણી બરવુ તેમા 1 ટી   સ્પુન તેલનાખવું.  પાણી  ઊકળે એટલે   તેમાં સ્પેગેટીના  ટુકડા કરીને  નાખવા. બફાઇ  જાય  એટલે ચાળણીમાં કાઢી  લઇ તેના પર ઠુંડું પાણી રેડવું                                               જેથી ચોંટી ન જાય. (૧  ક્લાક  પછી ઉપયોગ કરવો)                   

(૨) પછી  એકવાસણમાં ૨ ટેબલ  સ્પુન તેલ  મુકી બધાં જ  શાક લાંબાં‌‌‌-પાતળાં કાપીને  વઘારવા. ફણગાવેલા   મગ  નાખવા.  મીઠું, આજીનોમોટો નાખી  અધકચરાં  ચડવવાં.  ચીલીસોસ, સ્પેગેટી  સોયાસોસ, મરચુ નાખવું.

(૩)મેદાના લોટમાં ૧  ટેબલ   સ્પુન  તેલ, મીઠું, લીંબુ, બેકિંગ  પાઉડર  નાખી, લોટ બાંધી પૂરી વણી, વચ્ચે શાક  મૂકવું  પોટલી આકારે સમોસા વાળીને તળવા.

(૪)સાદી  રીતે   સર્વ કરવા 

Read More »

વેજ બર્ગર -Veg Burger

સામગ્રી - કાકડી, ટામેટા, ડુંગળી, મીઠુ આમાં લીંબૂનો રસ નાખીને તેને અલગ મૂકો. 
કોલ સ્લેને માટે - અડધુ કપ માયોની, ચીજ સ્પ્રેડ, ક્રીમ, ઝીણી સમારેલી કોબીજ, બે ચમચી ઝીણુ સમારેલુ ગાજર, મીઠુ, કાળા મરી, લીંબૂનો રસ. 

ટિકિયા માટે - 2 થી 3 બાફેલા મસળેલા બટાકા, 1 ડુંગળી ઝીણી સમારેલી, 2 થી 3 લીલાં મરચા કાપેલા, ઝીણી સમારેલી શાકભાજીઓ. મીઠુ, લાલ મરચું, ટોમેટો સોસ, ચીલી સોસ, 2-3 ચમચી બાફેલી નૂડલ્સ, 4 થી 5 ચમચી બ્રેડનો ભૂકો. 

સજાવવા માટે - ચીજ, સાલીસ, સલાડના પાન, બટાકાની વેફર્સ. 

વિધિ - સૌથી પહેલા બર્ગર સ્લાઈડ કરો અને તેના પર માખણ નાખીને તેને થોડુ નરમ કરો. કોલ સ્લેના બધા મિશ્રણને જુદી જુદી મુકો. ટિકિયાને માટે બે ચમચી તેલ લો. તેને પેનમાં તપાવો. 

ઝીણી સમારેલી ડુંગળી અને બધુ મિશ્રણ ભેળવો. ઠંડુ કરો અને ટિકિયાને આકાર આપો. તવા પર સાધારણ તળો. જુદા મુકો. બર્ગરના બેસ પર ટોમેટો સોસ કે મસ્ટર્ડ સોસ ફેલાવો. ચીજ સ્લાઈસ કરો. તેના પર સલાડના પાન સજાવો. 

તેના પર ટિકિયા, ક્લો સ્લો મૂકો. કાકડી, ટામેટા અને ડુંગળીને મૂકો, પછી બર્ગર મૂકો. ટૂથપિક મૂકો અને પોટેટો ચિપ્સ સાથે મિક્સ પરોસો.

Read More »

રવા ઢોકળા

સામગ્રી :-
૧ કપ રવો
૧/૨ કપ ખાટું દહીં
૩/૪ (પોણો કપ) કપ પાણી
૧ ટે. સ્પૂન તેલ મોણ માટે
૧/૪ ટી સ્પૂન હળદર
મીઠું સ્વાદ પ્રમાણે
૧ ટી સ્પૂન આદુ મરચાની પેસ્ટ
૩/૪ ટી સ્પૂન ફ્રુટ સૉલ્ટ (ઇનો)

વઘાર માટે :- 
૧ ટેબલ સ્પૂન તેલ
૧/૨ ટી સ્પૂન રાઈ
૧/૨ ટી સ્પૂન તલ
૨ – ૩ લીલા મરચા ઝીણા સમારેલા
૧ ચપટી હીંગ

૫ – ૭ પાન મીઠો લીમડો (ઓપ્શનલ)

રીત :-
રવામાં તેલથી બરાબર મોઈ લો હવે તેમાં દહીં, પાણી, હળદર, મીઠું, આદુ મરચાની પેસ્ટ નાખીને

 ૨૦ મિનિટ ઢાંકી રાખો. ઢોકળિયામાં પાણી મૂકીને ૮ થી ૧૦ ઇંચની થાળીમાં તેલ લગાવી તેમાં ગરમ કરવા મૂકો.

તૈયાર કરેલા મિશ્રણમાં ફ્રુટ સૉલ્ટ ઉમેરી હલાવીને થાળીમાં રેડી લો. ૧૫ થી ૨૦ મિનિટ મિડિયમ ગેસ પર ચડવા દો.

 ચડી જાય એટલે કાપા પાડી લો. હવે  વઘાર માટે એક વાસણમાં તેલ ગરમ કરી તેમાં રાઈ ઉમેરો રાઈ તતડે એટલે

 તલ, મરચા, લીમડો, હિંગ નાખો અને ઢોકળા પર આ તૈયાર થયેલો વઘાર રેડી લો.

ગરમા ગરમ સર્વ કરો.

Read More »

મસાલા મગ

સામગ્રી :-

૨૫૦ ગ્રામ મોટા મગ
૨ ચમચી દળેલી ખાંડ
૧ ચમચી લાલ મરચું
૧ ચમચી ચાટ મસાલો
૧/૨ ચમચી હળદર પાવડર
૧/૨ ચમચી આમચુર પાવડર
૧/૨ ચમચી સંચળ
મીઠું સ્વાદ અનુસાર
તળવા માટે તેલ

રીત :-

મગને સાત થી આઠ કલાક પાણીમાં પલાળી રાખો. એક ચાળણીમાં કાઢીને પાણી નિતારી લો. હવે એક કપડા પર મગને પાથરીને કોરા થવા દો. લગભગ એક કલાક સુધી સુકવીને પછી મગને થોડા થોડા કરીને એકદમ ગરમ તેલમાં તળો. થોડાક કરકરા થાય ત્યાં સુધી તળવા.

હવે તેલમાંથી કાઢીને એક પહોળા વાસણમાં નાખી તેમાં ઉપર જણાવ્યા પ્રમાણેનો બધો જ મસાલો વારાફરતી નાખતા જાવ અને સારી રીતે મિક્સ થાય તે રીતે હલાવતા જાવ.

મસાલો ભળી જાય અને મગ સાવ ઠંડા થાય ત્યાર પછી એરટાઈટ કન્ટેનરમાં ભરી લો.

Read More »

પૌંઆનો ચેવડો

સામગ્રી :-

૨૫૦  ગ્રામ પૌંઆ
૫૦    ગ્રામ દાળિયા
૫૦    ગ્રામ સીંગદાણા
૧        ટે. સ્પૂન કાજુ
૧        ટે. સ્પૂન કિસમિસ
૧        ટી સ્પૂન વરિયાળી
૧        ટી સ્પૂન તલ
તળવા માટે તેલ
હિંગ ચપટી (નાખવી હોય તો)
૧/૨   ટી સ્પૂન હળદર
૧૦ ૧૨ મીઠા લીમડાના પાન
૧        ટી સ્પૂન મરચું
૨        ટે. સ્પૂન ખાંડ
૧/૪ ટી સ્પૂન લીંબુના ફૂલ વાટીને
૧/૪ ટી સ્પૂન સંચળ
મીઠું સ્વાદ પ્રમાણે

રીત :-

એક કડાઈમાં તેલ મૂકી તેમાં દાળિયા, સીંગદાણા, કાજુ, કિસમિસ તળીને એક બાજુએ રાખો. હવે તે જ તેલમાં પૌંઆ તળી લો. તળાઈ જાય એટલે તેમાં દાળિયા, સીંગદાણા, કાજુ, કિસમિસ ભેળવી દો.

ત્યારબાદ વઘાર માટે બે ટી સ્પૂન તેલ મૂકી તેમાં હિંગ, લીમડાના પાન, વરિયાળી, તલ, હળદર, લાલ મરચું નાખીને વઘાર તૈયાર કરી તળેલા પૌંઆ પર રેડીને ઝડપથી સારી રીતે મિક્સ કરી દો. ઉપરથી વાટેલી ખાંડ, મીઠું, સંચળ અને વાટેલા લીંબુના ફૂલ આ બધું એક બાઉલમાં ભેળવીને પૌંઆમાં મિક્સ કરી લો. અને એરટાઈટ કન્ટેનરમાં ભરી લો.

નાસ્તામાં આ પૌંઆ મીઠાઈ કે ચા-કોફી સાથે ખાવાની મજા આવશે…

Read More »

નાસ્તો ચટપટો - બ્રેડ ચાટ

સામગ્રી - 7-8 બ્રેડ સ્લાઇસ, 1 કાપેલી કાકડી, 2 કાપેલા ગાજર,
 1 કાપેલી ડુંગળી, 1 કાપેલું ટામેટું,
સ્વાદાનુસાર મીઠું, અડધી ચમચી મરીનો પાવડર,
 અડધી ચમચી લીંબુનોરસ, સેવ, કાપેલી કોથમીર.
 બનાવવાની રીત - બ્રેડને નાના-નાના ટૂકડામાં તોડી દો.
 બ્રેડ સહિત કાકડી, ગાજર, ટામેટા, મીઠું, મરીનો પાવડર,
 લીબુનો રસને એકસાથે બાઉલમાં મિક્સ કરો અને એક પ્લેટમાં કાઢો.
સર્વ કરતા પહેલા તેની ઉપર સેવ, લીલી કોથમીર અને ડુંગળી નાંખી ગાર્નિશ કરો.
તમારી ઇન્સ્ટન્ટ બ્રેડ ચાટ તૈયાર છે. 
સાંજના સમયે નાસ્તામાં તમે આ ડિશનો સ્વાદ માણી શકો

Read More »